రామ్ చరణ్ పై మనసు పడిన బాలివుడ్ అతిలోక సుందరి!

బాలీవుడ్ ముద్దు గుమ్మలు దక్షిణ చిత్ర పరిశ్రమలో ఎప్పుడెప్పుడు నటించుదామా అని ఎదురు చూస్తూ ఉంటారు. దానికి కారణం లేకపోలేదు. దక్షిణాదిన ప్రేక్షకులు నటి నటులను తమ కుటుంబ సభ్యులు గా భావించి అమితమైన ప్రేమ ను కురిపిస్తుంటారు. అందుకే వారు ఎప్పుడెప్పుడు ఇటు వైపు వద్దామా అని ఆశ తో ఎదురు చూస్తూ ఉంటారు. సాధారణం గా అలా ఎదురు చూసే వారిలో అత్యధిక మంది కొన్ని కొన్ని గొంతెమ్మ కోరికల తో తయారు గా ఉంటారు. మాజీ మిస్ ఇండియా ఇషా గుప్తా కుడా ఇలాంటి ఆశలతో నే దక్షిణాది పై ఒక చూపు వేసి ఉంచింది. కానీ ప్రత్యేకించి మెగా పవర్ స్టార్ రామ్ చరణ్ తేజ్ పక్కన మాత్రమే నటిస్తాను అని మనసులో ని కోరికను బయట పెట్టింది. “దక్షిణాది పరిశ్రమ లో పని చేయడానికి ఉత్సాహంగా ఉన్నాను, తమిళం లో సూర్య పక్కన నటించాలని ఉంది. అలాగే నేను రామ్ చరణ్ కి వీరాభిమాని ని. ఒక్క సారి అయిన తన పక్కన నటించాలి అని ఎదురు చూస్తున్నాను” అని కోరికల చిట్టా విప్పింది. ఇషా కి తమన్నా మంచి స్నేహితురాలు. తమన్నా చరణ్ సరసన రచ్చ చేసింది. ఇషా కోసం తమన్నా చరణ్ పక్కన అవకాశం కలిపిస్తుందేమో అని వేచి చూడాలి...