గోవిందుడు అందరివాడేలే రషేస్ చూసి తెగ ఆనంద పడుతున్న బండ్లగణేష్ బాబు
ప్రస్తుతం టాలీవుడ్లో ఉన్న టాప్ నిర్మాతల్లో బ్లాక్ బస్టర్ నిర్మాత బండ్ల గణేష్ కూడా ఒకరు. అయన నిర్మించే ప్రతి సినిమా చాలా రిచ్ గా ఉండాలని , తెలుగు ప్రేక్షకులకు విజువల్స్ తో సరికొత్త అనుభూతిని అందించే ఉద్దేశ్యంతో భారీ బడ్జెట్ తో సినిమాలను నిర్మిస్తారు. ప్రస్తుతం బండ్ల గణేష్ మెగా పవర్ స్టార్ రామ్ చరణ్ హీరోగా ‘గోవిందుడు అందరివాడేలే’ సినిమాని నిర్మిస్తున్నాడు.ఈ సినిమా కూడా తన నిర్మాణ కెరీర్లో మరో బ్లాక్ బస్టర్ హిట్ అవుతుందని బండ్ల గణేష్ గట్టిగా చెబుతున్నాడు. ఇప్పుడే గోవిందుడు అందరివాడేలే రషెన్ చూశాను. అద్భుతంగా ఉన్నాయి. మా లిటిల్ స్టార్ మరియు కృష్ణవంశీకి థాంక్స్. ఇవి చూశాకా నా పరమేశ్వర ఆర్ట్స్ ప్రొడక్షన్స్ పై మరో బ్లాక్ బస్టర్ హిట్ రానున్నదని గర్వంగా అనౌన్స్ చేస్తున్నాను అని బండ్ల గణేష్ ట్విట్ చేశాడు.రామ్ చరణ్ సరసన కాజల్ అగర్వాల్ హీరోయిన్ గా నటిస్తున్న ఈ సినిమాలో ప్రకాష్ రాజ్ , శ్రీకాంత్ , జయసుధ , కమలిని ముఖర్జీ కీలకపత్రాల్లో నటిస్తున్నారు. యువన్ శంకర్ సంగీతం అందిస్తున్న ఈ సినిమా అక్టోబర్ 1 న ప్రేక్షకుల ముందుకు రానున్నది.
No comments:
Post a Comment